Банжиг.Нээт, Банжиг Блог, Банжиг Блогчид бүгд шударга, сайхан зүйлсийн төлөө, эрүүл саруул нийгмийн төлөө гэсэн сэтгэлтэй гэдэгт бид итгэдэг. Тийм гэдгийг ч бид өнгөрсөн хугацаанд харуулсаар ирлээ.
Харин өнөөдөр бид энэ тухайгаа эргэж нэг бодох цаг ирж байгаа юм болов уу. Бид Банжиг.Нээтийг бүтээх гэж тэр дундаа Банжиг Блогийг бүтээх гэж маш их хүч хөдөлмөрөө зарцуулсан. Хэдийгээр гарт баригдаж, нүдэнд гялтганах алт эрдэнэс биш ч гэсэн хүний оюун ухаанаар бүтсэн хөдөлмөр хичнээн үнэтэйг бид мэддэг. Блогчид та бүхэн ч үүнийг мэддэг, мэдэрдэг гэж боддог. Хааяа нэг цаг, сэтгэлээ зориулан бичсэн бичлэгийг тань хэн нэгэн ичих ч үгүй хуулаад тавьчихаар танд ямар сэтгэгдэл төрдөг бэ?
Гэтэл сүүлийн үед Банжиг Блогоор дамжин Монгол хүмүүсийн оюуны хөдөлмөрийг уландаа гишгэх явдал гарч байгаад бид ихэд харамсаж байна. Сайн уу амьдрал минь, Боолын гэрээ гээд үнэхээр гайхалтай сайхан 2 кино бий. Би хоёуланг нь үзсэн, хоёуланг нь мөнгөө төлөөд кино театрт үзсэн. Төлсөн мөнгөнөөс маань хамаагүй илүү таашаал, бодролыг эдгээр кино надад бэлэглэсэн.
Даанч ийм сайхан киног хэн нэгэн нүд ирмэхийн зуур хийчихдэг биш учраас цөөхөн байдаг байх, дахин ийм киног бүтээхийн тулд тэдэнд энэ бүтээсэн кинонуудаасаа боломжийн хэмжээний орлого олох хэрэгтэй гэдгийг та бүхэн надаар хэлүүлэлтгүй мэдэж буй байх.
Харамсалтай нь зарим нэг блог зөвхөн хүмүүсийг татаж, бусдаас ялгарахын тулд одоо хүртэл кино театрт гарсаар байгаа эдгээр болон бусад киног хууль бусаар, ичгүүр сонжуургүй тараан түгээх ажлыг хавтгайруулан дэмжиж байна. Кино бүтээгчдээс ирсэн хүсэлтийн дагуу бид зарим нэгэн блог эрхлэгчдэд анхааруулсан и-мэйл хэд хэд илгээсэн боловч хариу өгсөнгүй.
Банжиг.Нээт болон Банжиг Блогийг бид эрх чөлөөтэй байлгахыг туйлаас чухалчилдаг. Тэгэхдээ энэ эрх чөлөөг бусдын эрх чөлөө, эрх ашгийг уландаа гишгэхэд ашиглах явдлыг бид хэзээ ч дэмжихгүй. Энэ тухай Хэрэглэгч таны Банжиг.Нээтийг хэрэглэхийн тулд бидэнтэй зөвшилцөн ашиглаж буй Үйлчилгээний нөхцөл байдаг гэдгийг энд сануулахыг мөн хүсэж байна.
Энэ бичлэгээр дамжуулан дээр дурдсан кинонуудыг үзэх холбоосыг оруулсан, илэрхийгээр энэ хууль бус үйлдлийг дэмжсэн бичлэгүүдээ Улаанбаатарын цагаар 2008 оны 12 дугаар сарын 3-ны өдрийн 18:00 цагаас өмнө устгахыг эдгээр блог эрхлэгчдээс шаардаж байна.
Устгаагүй тохиолдолд тухайн бичлэгүүдийг автоматаар устгах болно гэдгийг анхааруулж байна. Мөн Банжиг.Нээтийн зүгээс Үйлчилгээний нөхцлийн дагуу тавьсан шаардлагуудыг хүлээн авахгүй байгаа блогуудыг тодорхой удаа анхааруулсны үндсэн дээр хаах хүртэл арга хэмжээ авах болно гэдгийг мөн сануулж байна.
Бид эрх чөлөөт тэгэхдээ хууль зүйт нийгэмд амьдарч байна. Энэ дүрмээс хэрэглэгч та ч Банжиг.Нээт ч гажих ёсгүй.
Төгсгөлд нь дээрх болон бусад зарим нэгэн зайлшгүй анхаарах шалтгааны улмаас Банжиг Блог нь фрэйм дэмжихгүй болсныг мэдэгдэж байна. Энэ нь та өөрийн вэб болон домайндаа өөрийн болон бусдын Банжиг Блогийг фрэймд оруулах боломжгүй болж байгаа гэсэн үг юм.
Блогийн нүүр » Маш чухал мэдэгдэл
2008-12-02 20:07:40
Сэтгэгдэлүүд:
гилалаа банжиг аа
Гадаадад байгаа хүмүүсийн тухайд мэдээж олж үзэх нь чухал гэдгийг ойлгож байна. Тиймээс ном журмаар нь тодорхой төлбөр төлөөд үзэх боломж олгох хэрэгтэй болов уу гэж бодож байна.
Хэн хүмүүст хүргэх тухайд үүнийг хулгайтай зүйрлэх хэрэгтэй. Та өөрөө хүсээгүй байхад таны өрөөнөөс таны лаптопыг хүн хулгайлвал хулгайд алдсан хүн нь буруутай болох уу!
Харин сонсох дуртай дуу,цомог этэрээ блогдоо байрлуулсаныг нь яахуу...?
bi lav google, myspace gesen gazruudaas anhaaruulga-iig huvi hunees avsan udaagui.
2. Oyunii hulgaitai temtseh talaar banjig.net, esvel hujii gej huvi hun ch bai, temtsej ehelj bui ni saishaaltai.
3. 11 sar ongorson baihad haana shuu gej yu bichiv ee, huvi hun aldaa gargaj bolno oo. gehdee?
4. Zohiogchiin erhiin asuudliig banjig.net anhdagch mayagaar busad baiguullaga, humuust urialan manlailj, uran buteelchdiig uramshuulj, unshigch-hereglegch busdiig holboj baigaasai. Oyunii omchiin gazartai hamtran ajillaj bolohgui geh gazargui.
4. Amjilt huseh baina, banjig.net-iin hamt olond.
2. Хаана шүү гэдэг сүрдүүлэг огт биш, Бид үйлчилгээний нөхцөлөө л сануулж буй хэрэг.
3. Бид аль болох энэ чиглэлийн байгууллагуудтай хамтран ажилласаар ирсэн, цаашид ч үргэлжлүүлэн хамтран ажиллах болно.
хүжий шаардлагынхаа сарыг 11 биш 12 болгоорой, хүмүүс аан өнгөрчихсөн юм бна гэж бодох вий
Мэдээж зөвшөөрөлгүйгээр үнэгүй хүний бүтээлийг үзнэ ашиглана гэдэг буруу , хулгайтай адил зүйл боловч яг энэ интэрнэт дэх орчинд тэр болгон ёс зүй сахиулна гэдэг Чонын үүрэнд Хурга тэжээдэг үлгэртэй л адилхан болов уу.
Чи юмаа нуухгүй бол Би нүдээ нуухгүй гэдэг шиг үзэж л орхидог юм хэ хэ хэ. зо тэгээд энэ интэрнэт гэдэг чинь шинэ соргог амьдралд нэвтэрч буй харилцаа бас зүйл. Тийм болохоор аяндаа зохицуулах эрх зүй , хууль акт нь гарна биз ээ амьдралын шаардлагаар. тэгэхээр байж л байг дээ Банжиг дээр байгаа кино үзвэрүүд тээ
Сэтгэгдэл үлдээх: