Godkjent på årsmøtet 1991

§ 1 Hjartdal Historielag skal ha til føremål å vekke, auke og spreie interessa for fortida til Hjartdalsbygdene.
Laget skal legge vekt på at bygdehistoria blir sett i samanheng med annan historie og med dei samfunnstilhøva vi har i idag.

§ 2 Laget skal stø opp om og eventuelt drive, vern av kulturminne i Hjartdalsbygdene, eller med tilknyting til desse bygdene.

§ 3 Laget skal vere medlem av Landslaget for lokalhistorie, og der det er naturleg, samordne arbeidet sitt med Telemark Historielag og lokale historielag elles.

§ 4 Laget skal ha eit styre som er plikta til å føre protokoll for alle møte og andre aktivitetar.
Styret skal om det er mulig, ha representantar for ulike delar av kommunen, ulike aldersgrupper og begge kjønn.
Styret skal ha 6 medlemmer, 2 varamedlemmer og ein valgkomite på 3 personar. Minst 4 styremedlemmer må vere tilstades for at vedtak kan bli fatta. Dersom det er 4 elle 6 tilstades, skal formannen nytte dobbeltstemme ved avstemningar.
Ein revisor skal utnemnast utanom styret.
Styret skal velgast for 2 år av gongen.
Årsmøtet velger formannen, elles konstituerer styret seg på første styremøte etter årsmøtet.

§ 5 Årsmøte skal haldast kvart år før 1.april.

§ 6 Skal vedtektene forandrast, må det vedtakast på årsmøte med 2/3 fleirtal.
Framlegg til endringar må sendast via styret til alle medlemmene seinast 14 dagar før årsmøtet.

§ 7 Skal laget oppløysast, må det vedtas på årsmøte med 2/3 fleirtal. Framlegg om oppløysing må sendast via styret, til alle medlemmene seinast 14 dagar før årsmøtet.
Ved oppløysing skal Hjartdal kommune overta eigedommen til laget, og disponere denne etter rådføring med Museumstenesta for Aust-Telemark.